Новости за 21.10.2019

Британски и американски разузнавачки агенции соопштија дека руски хакери преземале ирански сајбер-шпионски мрежи и напаѓаат десетици држави и организации преправајќи се дека се Иранци. Заедничка изјава со деталите за операцијата соопштија денеска британскиот Национален центар за компјутерска безбедност и Американската национална агенција за безбедност. Руската хакерска група позната под името Турла сега може да се служи со иранските алатки и инфраструктура за да изврши напади врз владини оддели... Читать дальше...

Рускиот претседател Владимир Путин изјави дека ќе биде домаќин на првиот досега самит меѓу Русија и Афика. На собирот кој ќе се одржи на 23 и 24 овој месец во Сочи, како што додаде, ќе се разговара за многу прашања, вклучувајќи ги и начините за борба против тероризмот и воената кооперација. Претседателот Путин изјави дека сака поголемо руско присуство на африканскиот континент без да ризикува конфронтација со другите ривали како Соединетите држави и Кина.

Европскиот парламент денеска почнува четиридневна пленарна седница на која, меѓу другото, ќе се расправа и за последната одлука од самитот на Европската унија за датумот за преговори за членство со Северна Македонија и Албанија. Европарламентот во своите претходни резолуции изрази силна поддршка на стартот на преговорите со Скопје и Тирана. Европратениците ќе расправаат и за Брегзитот, за членовите и приоритетите на новиот состав на Европската комисија, како и за ситуацијата во Сирија.

Претседателот на Чиле Себастијан Пињеира изјави дека земјта била во војна по тридневните нереди и грабежи во кои најмалку седум лица го загубија животот. Ова е најголемиот социјален бунт во Чиле во изминативе неколку децении.Во Сантијаго е воведен полициски час, а вонредна состојба има и во други градови. Протестите почнаа во петокот поради зголемувањето на цените на метрото во Сантијаго. Премиерот во саботата ја суспендира оваа одлука, но протестите продолжија.

Возилото со кое бил лидерот на движењето Самоопределување Албин Курти имало сообраќајна несреќа во Тирана, пренесуваат косовските медиуми. Според нивните наводи, автомобилот на Курти удрил во задниот дел на еден автомобил на албанската полиција. Од Самоопределување изјавија дека никој не бил повреден и оти немало место за загриженост. Курти, како што додаваат медиумите, бил во седиштето на Самоопределување во Тирана за да ги прослави резултатите од изборите на Косово на 6 октомври.

Во последно време се почесто го слушаме прашањето дали Кина крие нешто зад своето „економско ура“ во Западен Балкан, а аналитичарите се се погласни дека никој не треба да биде изненаден што некои кинески инвестиции доаѓаат на Балканот со политички опаш.

Портпарол на главната курдска група во Сирија изјави дека курдските борци го напуштиле северниот град Рас ал Ајин и оти во него веќе немало нивно вооружено присуство. Евакуацијата е дел од спогодбата со Турција постигната со посредство на Соединетите држави. Според овој договор, турските сили воведоа петдневно примирје на северот на Сирија за да им дозволат на курдските единици да се повлечат од граничниот појас. Договорениот прекин на огнот истекува утре.

Портпарол на главната курдска група во Сирија изјави дека курдските борци го напуштиле северниот град Рас ал Ајин и оти во него веќе немало нивно вооружено присуство. Во меѓувреме, турскиот претседател Ердиган повтори дека ако не биде испочитувано се што било договорено ќе ја продолжи офанзивата.

Шефицата на европската дипломатија Федерика Могерини оцени дека лидерите на ЕУ направиле „историска грешка“ кога не успеале да договорат старт на пристапните преговори со Северна Македонија и Албанија на нивниот минатонеделен самит. Могерини на нејзиниот блог напиша дека жали што европските лидери не можеле да се согласат и покрај исклучителниот напредок на двете земји и спротивно на препораките на Европската комисија. „Тоа е многу повеќе од изгубена шанса, тоа е историска грешка која, се надевам ќе биде исправена што е можно побрзо“... Читать дальше...

Ќе биде сончево и топло со слаб променлив ветер. По одделни котлини ќе има услови за појава на утринска магла. Утринската температура ќе биде од три до 13, а дневната од 22 до 30 степени. Во Скопје и околината слично време. Утринската температура ќе биде околу девет, а дневната ќе достигне до 28 степени.