Новости за 08.05.2022

Самостојниот синдикат за образование, наука и култура – СОНК и Министерството за образование и наука (МОН) на денешната онлајн средба се договорија преговорите меѓу СОНК и МОН да продолжат за уште десет дена. Како што соопшти СОНК, на средбата, неминовен бил заклучокот дека двете страни на колективниот работен спор имаат потреба од поголем временски период од 10 дена, под покровителство на назначениот помирувач од Министерството за труд и социјална политика, а во рамките на рокот согласно член... Читать дальше...

Србија се обидува да донесе целосно независни одлуки во однос на својата судбина, изјави денеска министерот за надворешни работи Никола Селаковиќ, додавајќи дека „во наши раце се постапките на Србија кога станува збор за одредени барања во процесот на евроинтеграциите“, јави дописникот на МИА од Белград. „Ние не воведуваме санкции кон Руската Федерација, но она што ни е приоритетна цел е побрз европски пат, да го промениме општеството, да го зајакнеме владеењето на правото, да привлечеме што е можно повеќе инвестиции... Читать дальше...

Северна Македонија ја одработи својата задача во однос на зачленувањето во Европската Унија и сметам дека процесот треба да продолжи што е можно поскоро, а најавениот стратешки дијалог со САД е процес, кој е почнат уште поодамна и не претставува никаква замена за членството во Унијата, изјави денеска американската амбасадорка Кејт Мари Брнз. Таа одговарајќи на новинарски прашање на отворениот ден за приказ на воздухоплови кој е дел од вежбата „Брз одговор 22“ на спортскиот аеродром „Стенковец“... Читать дальше...

На спортскиот аеродром Стенковец, денеска беа изложени 45 најразлични воздухоплови, авиони и хеликоптери кои учествуваат во вежбата „Брз одговор 22“. Вежбата се изведува на полгонот Криволак и во неа учествуваат 4.600 војници од осум држави.

Словенечкиот претседател Борут Пахор за в петок ја закажа конститутивната седница на Националното собрание, откако го доби извештајот за официјалните резултати од општите избори на 24 април. Најголема пратеничка група во новото собрание ќе биде Движењето за слобода на Роберт Голоб, кое освои 34,45 отсто од гласовите и со тоа 41 место во 90-члениот парламент, во кој има и двајца пратеници од малцинствата. Словенечката демократска партија (СДС) на премиерот во заминување Јанез Јанша освои 23,48 отсто од гласовите или 27 места... Читать дальше...

Грчката крајбрежна стража денеска објави дека спасила 106 бегалци и мигранти од брод што тоне во Егејското Море. Мигранти и бегалци биле откриени доцна навечер во саботата во близина на островот Кос, недалеку од турскиот брег, се вели во соопштението на крајбрежната стража, додавајќи дека никој не се води за исчезнат. Во групата луѓе, чија националност не е утврдена, имало 14 жени и 20 деца, пренесува агенцијата Франс прес. Мигрантите и бегалците изјавија дека го напуштиле турскиот брег во близина на Бодрум... Читать дальше...

Поранешниот шеф за безбедност Џон Ли, кој го предводеше задушувањето на демократското движење и е под американски санкции, во неделата беше назначен за нов лидер на Хонг Конг. Според официјалните податоци пренесени од Асошиејтед прес (АП), Ли освоил повеќе од 99 отсто од гласовите на изборната комисија, која е претежно про-Пекинг ориентирана. На изборите за извршен директор Ли добил 1.416 гласови, а за победа му биле потребни 751 глас. Речиси 1.500 членови на Изборната комисија гласаа на тајно гласање во неделата наутро. Читать дальше...

Времето денеска ќе биде сончево и топло со мала до умерена облачност поголема во западните делови каде што краткотрајно ќе има услови за пороен дожд и ретки грмежи. Ќе дува слаб до умерен ветер од југоисточен правец, поизразен долж Повардарието. Минималната температура ќе биде во интервал од 4 до 9, а максималната ќе достигне од 18 до 25 степени. Во Скопје, сончево со мала до умерена облачност. Минималната температура ќе се спушти до 7, а максималната ќе достигне 24 степени.

Наше е за наредната година да предвидиме повеќе средства за на невработените да им понудиме можност за усовршување и полесно вклучување на пазарот на труд, но платите што ги нудат фирмите не се во наша надлежност, вели директорот на Агенцијата за вработување Беким Мурати во неделното интервју на Радио Слободна Европа.

Лани реализиравме 96 отсто од оперативниот план за вработување преку кој се вработија 12.000 луѓе. Оваа година очекуваме 15.000 вработувања преку програмите за самовработување, субвенционирање на плати, вработување и раст на правни субјекти, вели директорот на Агенцијата за вработување Беким Мурати.