Барање за укинување на куќниот притвор на новинарот Голунов
Адвокатите на рускиот истражувачки новинар Иван Голунов поднесоа жалба до судот во Москва за укинување на куќниот притвор. Голунов, кој работи за новинската агенција Медуза е обвинет за обид за продавање на наркотици. Новинари, активисти и поддржувачи за утре најавија протести на кои ќе се бара ослободување на Голунов, кој ги негираше обвиненијата.
На 8 јуни судот донесе одлука за изрекување на куќен притвор за Голунов од два месеци, но мерката може да биде продолжена. Доколку биде осуден Голунов се соочува со казна до 20 години затвор.