Меркел - во следните 30 дена можно е да најдеме решение за ирската граница
Германската канцеларка Ангела Меркел денеска изјави дека во следните 30 дена Велика Британија и ЕУ можат да најдат решение за ирскиот „бекстоп“ – заштитна мерка со која треба да се избегне физичка граница меѓу Ирска и Северна Ирска, што е протолкувано како можен сигнал дека Меркел има волја за компромис со британскиот премиер Борис Џонсон.
„Бекстоп беше резервна опција која би се користела додека не се пронајде решение“, изјави Меркел пред состанокот со Џонсон: „Кажано е дека ќе најдеме решение во следните две години. Но, исто така можеме да го најдеме во наредните 30 дена, зошто да не?“, изјави Меркел.