Најмалку 12 загинати при сообраќајна незгода во Словачка
Сообраќајна несреќа со најмалку 12 загинати се случила денеска во западна Словачка. Камион се судрил со патнички автобус во градот Нитра кој се наоѓа на 90 километри источно од главниот град Братислава. Министерката за внатрешни работи Дениса Сакова на прес конференција посочи дека ова е најсмртоносната сообраќајна незгода во изминатава деценија. Таа посочи дека меѓу загинатите има и четворица среднишколци. Премиерот Питер Пелегрини изјави дека ќе ја скрати посетата на Кипар и ќе се врати ден порано во Словачка за да ги посети повредените патници.