Оружен инцидент во училиште во САД, шестмина ранети
Во оружен инцидент во средно училиште во Санта Клара, во близина на Лос Анџелес, се повредени најмалку шест лица, пренесе новинската агенција АП. Според локалните медиуми, голем број на полицајци се наоѓаат на местото на инцидентот, кое е на околу 35 километри од центарот на Лос Анџелес. Поради нападот веднаш се затворени сите училишта во околината, објавија официјални лица.
„Осомничен за нападот е млад Азиец кој е облечен во црно. Последен пат е виден во училиште“, информираше полицијата.
Се уште не е јасно дали повредените се погодени од истрел или здобиле повреда на некој друг начин, пренесе АП.