Новиот премиер Спасовски ги задржа истите заменици
Владата на денешната прва редовна седница во новиот состав, на предлог на премиерот Оливер Спасовски, ги назначи вицепремиерите.
Министерката за одбрана, Радмила Шекеринска е определена за заменичка на претседателот на Владата, додека за заменичка на претседателот, задолжена за економски прашања е именувана Мила Царовска, која дојде на местото на Кочо Анѓушев. За вицепремиер задолжен за европски прашања е определен Бујар Османи, а Садула Дураки, министерот за политички систем и односи меѓу заедниците е именуван за заменик на претседателот.
Министерот без ресор Роберт Поповски останува задолжен за комуникации, отчетност и транспарентност, Едмонд Адеми е министер задолжен за дијаспора, Музафер Бајрам е министер задолжен за имплементација на Стратегијата за подобрување на состојбата на Ромите, Зорица Апостолска е министеркa без ресор задолжена за странски инвестиции, Бардул Даути е министер без ресор задолжен за странски инвестиции, Елвин Хасан е министер без ресор задолжен за странски инвестиции и Хисен Џемаили е министер без ресор задолжен за регулатива за подобрување на инвестициската клима за домашните претпријатија.
За Генерален секретар на Владата е именуван Драги Рашковски, а за негов заменик Таки Хани.