Поради последиците од земјотресот во Албанија уапсени 27 лица
Албанските обвинители издадоа потерници за 38 лица поради непочитување на прописи при градба на згради што придонесе за уривања и оштетувања во Тирана и околните општини во земјотресот од 26 ноември. ТВ „Клан“ објави, дека во голема полициска акција 27 од лицата се веќе приведени, и оти се трага по останатите 11 лица. Меѓу нив има општински службеници, локални лидери и инженери, осомничени за фалсификување документи и издавање дозволи за нестабилни згради. Меѓу уапсените има и тројца поранешни градоначалници. Слична акција неодамна беше преземена и во Драч, каде беа уапсени 18 лица, но пола од нив беа ослободени.
Тирана претрпе големи штети во земјотресот, а уништувањето беше многу поголемо во близина на епицентарот на брегот на Јадранското Море, претежно во градовите Драч и Туман. 51 лице загинаа во урнатите згради.