Ахмети за „Монструм“: јас и ДУИ дававме придонес за расчистување на случајот

Лидерот на ДУИ Али Ахмети на денешното сведочење за случајот „Монструм“ кажа дека за петкратното убиство кај Смилковкото Езеро дознал наредниот ден и оти имал повеќе разговори со негови соработници, како и со претставници на меѓународната заедница, со цел да не се злоупотреби настанот. Стравувале дека овој случај може да доведе до судири и несакани случувања, тој и ДУИ давале придонес да се расчисти случајот.


„Сме разговарале со политички авторитети затоа што политичките авторитети, политичките партии имаат одговорност за да ја менаџираат ситуацијата и на крај наша проценка беше дека постапката мора да се повтори со биолошки, со материјални докази, на најтранспарентен начин за целата јавност, затоа што овој случај е навистина трагедија и ако не се расветли така како што треба може да има последици“, кажа Ахмети.


Освен Ахмети, како сведоци се повикани и неговите сопартијциЏелал Бајрами и вицепремиерот Бујар Османи.



Заев сведок во „Монструм“- сите материјали ги дадов во СЈО


За петкратното убиство на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, во претходна постапка за случајот на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута. Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири и им определи мерки на претпазливост. По укинувањето на пресудите, случајот „Монструм“ го презеде СЈО и предметот беше вратен на повторно судење. 



Судење за „Монструм“ - Политичарите си праќале пораки за тоа како случајот влијае на јавноста