Исплата на пензиите на шалтер етапно, на платежна картичка утре
Априлската пензија ќе почне да се исплаќа од утре во четири етапи, за да се запазат мерките за заштита од коронавирусот, а пензионерите кои користат платежна картичка поврзана со сметката на која се префрлува пензијата, со парите можат да располагаат од 24 април, соопшти Владата.
За пензионерите кои не користат платежна картичка, готовинската исплата на пензиите на шалтерите на банките ќе се одвива во четири етапи:
- Пензии до 11.000 денари, исплата во понеделник 27-ми април
- Пензии од 11.001-14.000 денари, исплата во вторник 28-ми април
- Пензии од 14.001-18.000 денари, исплата во среда 29-ти април и
- Пензии над 18.001 денар, исплата во четврток, 30-ти април.
Пензиите од петок преку банкомати, препорача Владата
При подигнувањето на пензиите задолжително е почитувањето на мерките за заштита од коронавирусот - носење маска или друг вид покривка за устата и носот и запазување на меѓусебното растојание, потсетува Владата.