САД повикаа да се почитува одлуката на косовскиот Уставен суд
![САД повикаа да се почитува одлуката на косовскиот Уставен суд](https://gdb.rferl.org/F80189D0-5432-4730-BD6D-4B9BD9BD5D72_w800_h450.jpg)
Американската амбасада во Косово ги повика сите партии да ја почитуваат синоќешната одлука на Уставниот суд, со која му се даде право на претседателот на државата Хашим Тачи да му го додели мандатот на кандидатот за премиер на Демократскиот сојуз на Косово, како второрангирана партија на последните парламентарни избори, јави МИА од Приштина.
Во соопштението од Амабсадата се бара од сите косовски лидери да работат заеднички „за редовна транзиција во интерес на мирот, стабилноста и просперитетот на сите граѓани на Косово”.
Тачи ја поздрави одлуката на Уставниот суд
„Соединетите Американски Држави ги повикуваат сите институциии политички партии да ја спроведат денешната и сите други одлуки на Уставниот суд на Косово. Ние бараме од сите лидери да работат заедно за редовна транзиција во интерес на мирот, стабилноста и просперитетот на сите граѓани на Косово“, се вели во соопштението од Амбасадата.