Додик бара селење на амбасадата на БиХ во Ерусалим
Српскиот член на Претседателството на БиХ Милорад Додик поднесе барање за вонредна седница на Претседателството заради преместување на амбасадата на БиХ од Тел Авив во Ерусалим, додека хрватскиот член на Претседателството на БиХ Жељко Комшиќ побара вонредна седница со предлог БиХ да ја признае независноста на Косово.
Хоти: Косово ќе отвори амбасада во Ерусалим иако ЕУ реагира
Членовите на Претседателството на БиХ, Сефик Џаферовиќ и Жељко Комшиќ, веќе оценија дека предлогот на Додик за преместување на амбасадата на БиХ од Тел Авив во Ерусалим е „популистичка“ и „нереална“. Додик побара седницата да се одржи денеска. Со потпишување на документот во Вашингтон, Србија се обврза да ја премести својата амбасада во Израел во Ерусалим до јули 2021 година. Косово ќе го стори истото кога Израел ќе го признае како независна држава, се наведува во документот потпишан во петокот во Белата куќа.