Во Хрватска обвинети 18 лица за фалсификување документи за мафијаши од Србија и Црна Гора
Хрватската канцеларија за сузбивање на корупцијата и организираниот криминал (УСКОК) поднесе обвинение против 18 лица, вклучително и вработени во полицијата, под сомнение дека добиле повеќе од 200 илјади евра за давање хрватски документи на мафијашки групи главно од Србија и Црна Гора. Станува збор за група која наводно била собрана од Нусрет Сеферовиќ, кој беше приведен со неколку соработници на крајот на ноември лани.
Визиите на младите за регионов и „слухот“ на политичарите
Истражителите се сомневаат дека членовите на групата незаконски прибавувале податоци од информативниот систем на полицијата за нивните клиенти и обезбедувале преминување на границата без контрола за најмалку 1.300 евра. За комплет хрватски документи - лична карта и пасош со нивна фотографија и туѓи податоци за идентификација, тие побарале најмалку по 3.500 евра, додека за возачки дозволи наводно зеле најмалку 2.500 евра. Ускок тврди дека групата им обезбедила на своите клиенти од Србија, Црна Гора и Словенија најмалку 41 лична карта и 41 пасош и најмалку 15 лажни возачки дозволи.