Барние и Фрост со последни обиди за договор за Брегзит
Преговарачот на Европската унија за Брегзит Мишел Барние пристигна во Лондон на директни разговори со претставниците на Обединетото кралство на само пет недели пред завршувањето на врската на Британија со ЕУ.
Барние и британскиот преговарач Дејвид Фрост денеска продолжуваат со работата за да обезбедат договор во клучните области на поврзувањето како рибарството, државната помош и резолуција за другите разлики пред завршувањето на британскиот транзициски статус со ЕУ кој истекува на 31 декември.
Двете страни предупредија дека има можност за неуспех, а Барине вчера на министрите на земјите членки на ЕУ им рече дека не се далеку од моментот „земи или остави“. Истиот ден Фрост на Твитер напиша дека луѓето го прашува зошто се уште разговараат.
Британија и ЕУ ги продолжуваат трговските разговори
Неуспехот да се постигне договор ќе резултира со излегување на Британија без договор што може да предизвика хаос на границите и финансиските пазари. Британија ја напушти унијата на 31 јануари но досега тргуваше под истистите услови.