Пендаровски: Божиќ да ни биде духовна поткрепа за надминување на кризата
По повод големиот христијански празник -Божиќ, претседателот Стево Пендаровски, упати честитка до сите верници што го прославуваат празникот на 25 декември според грегоријанскиот календар.
„Празникот на Христовото раѓање секогаш асоцира на време поминато во прегратка на најблиските среде топлината на нашите домови. Да ја почитуваме традицијата и годинава да прославуваме во рамките на најтесното семејство, да избегнуваме движења, собирања и да придонесеме со своето одговорно однесување за запирање на ширењето на пандемијата на Ковид-19“, порача македонскиот претседател.
Тој изрази надеж дека овој празник и неговото значење ќе бидат духовна поткрепа за надминување на кризата и за конечно враќање на нормалното секојдневие.
„Се надевам дека ќе успееме да ги зачуваме енергијата и светлината на божикните празници преку целата година останувајќи грижливи, солидарни и хумани, постојано имајќи добра мисла и дарувајќи љубов“