„Недела неработен ден“ во јануари влегува во собраниска процедура
Законската одредба недела да биде неработен ден би требало да влезе во собраниска процедура по Нова година, очекува министерката за труд и социјална политика, Јагода Шахпаска. Таа на денешната прес-конференција информираше дека имало дилеми во одредени области и затоа им било потребна темелна анализа за да ги соочат аргументите за и против на сите заинтересирани страни.
Дилемите, како што појасни министерката, се околу тоа кој треба да биде опфатен со недела неработен ден, односно кои дејности во државата треба да функционираат – здравството, полицијата, социјалната служба, центрите за детска заштита, старските домови, противпожарните служби, комуналните служби.
ССМ: Предлогот од МТСП не е во прилог на „недела неработен ден“
„Нашето Министерство ја изработи драфт-верзијата, ја предочивме на сите членови односно партнерите во социјалниот дијалог, се уште во општеството има интерес за ова законско решение – за и против, меѓутоа ние не се откажуваме“, рече Шахпаска.