Сончево време, во текот на ноќта врнежи од дожд
Во текот на ноќта, како што соопшти УХМР, облачноста ќе се зголеми и ќе има врнежи од дожд, а на планините и на некои повисоки места на запад врнежи од снег. Ќе дува слаб до умерен југоисточен ветер, особено изразен вдолж Повардарието.
Минималната температура ќе биде во интервал од -4 до 2, а максималната ќе достигне до 14 степени.
Во Скопје ќе биде сончево, наутро со услови за слаба магла во делови од котлината. Попладне со мала до умерена облачност и со умерен југоисточен ветер. Температурата ќе достигне до 11 степени.
Од недела следува период на променливо облачно време со повремени врнежи од дожд. На планините врнежите ќе бидат од снег.