Во државните болници има 889 ковид пациенти
Министерството за здравство соопшти дека во изминатото деноноќие во ковид – центрите во болниците низ земјава е пријавено дека се лекуваат вкупно 519 пациенти позитивни и суспектни на коронавирусот.
Во болницата во Битола се хоспитализирани 30 пациенти позитивни и суспектни на Ковид-19, во Штип има 55 пациенти, во Тетово 20 пациенти, во Велес се лекуваат 25 болни, а во Куманово 80 пациенти позитивни и суспектни на Ковид-19. Во ковид – центарот во Охрид се хоспитализирани 60 пациенти, во Прилеп 69, во ковид – центарот во Гостивар 27, а во Струга 30 болни. Во болницата во Струмица хоспитализирани се 49 пациент, во Кочани 18, во Кичево 10, Кавадарци 27, во Гевгелија 11 лица, а во Дебар 11 позитивни и суспектни на коронавирусот.
Вкупната бројка на пациенти позитивни и суспектни на коронавирусот кои се лекуваат на инфективните оддели во главниот град и во болниците низ земјава е 889 и има околу 500 празни болнички кревети во ковид – центрите.
Во соопштението се додава дека сите одделенија на клиничките болници располагаат со болнички места до кои има довод на кислород, а доколку има потреба одделенијата ќе бидат дополнително проширени.