Напади во Авганистан и покрај мировните преговори
Продолжуваат смртоносните напади низ Авганистан и покрај продолжувањето на мировните преговори меѓу талибанците и владата со цел да се стави крај на речиси две децении војна во државата.
Во јужната провинција Хелманд, пет цивили беа убиени, а најмалку четворица други беа ранети. Во соседната провинција Орузган во експлозија на автомобил бомба загинале шестмина припадници на безбедносните сили. Шест припадници на безбедносни сили, исто така, биле убиени и уште двајца ранети во напад врз база во северната провинција Кундуз.
Кабул со „напредни“ камери против тероризмот
Се уште никој не презеде одговорност за нападите, кои се случија откако вчера авганистански преговарачки тим и талибанците ги продолжија своите мировни разговори во главниот град на Катар, Доха, по пауза од 20 дена.