Македонија по вторпат на Европско првенство во одбојка
Македонија и вторпат едноподруго ќе игра на Европското првенство во одбојка. Нашите репрезентативци дојдоа до потребната победа од 3:1 и на тој начин математички го обезбеди пласманот на Европското првенство како одлично пласирана втора селекција од квалификациските турнири, што ќе претставува втор континентален собир за нашите најдобри одбојкари кои веќе не претставуваа на европската сцена пред две години.
Капитенот Никола Ѓоргиев и Александар Љафтов беа убедливо најдобри во победата со по 24 и 23 реализриани поени.Капитенот на македонската одбојкарска репрезентација, Никола Ѓоргиев изјави дека против Турција одигравме тимски, борбено и заслужено сме на Европското првенство и тоа по втор пат.
Турците остануваат првопласирани во групата, но Македонија со три победи на вкупно четирите средби е многу блиску до промоција како една од најдобрите пет второпласирани репрезентации во седумте групи. Неколку групи се уште не се ниту стартувани, па не може да следи официјална промоција, но со одличните игри и резултати на двата турнири во Скопје многу извесно е дека нашите одбојкари повторно ќе бидат дел од еден континентален собир, втор во низа за избраниците на Матијашевиќ.