Во Македонија 394 нови ковид позитивни и 9 починати

Министерството за здравство (МЗ) денеска информираше дека според податоците од Инситутот за јавно здравје, во последните 24 часа се направени 2236 тестирања, а регистрирани се 394 нови случаи на ковид-19. Новите случаи се регистрирани во: Скопје – 190, Кавадарци – 29, Велес – 19, Делчево – 16, Куманово – 14, Охрид – 12, Дебар – 12, Гостивар – 11, Прилеп – 7, Штип – 7, Битола – 7, Берово – 7, Демир Капија – 7, Кичево – 6, Тетово – 5, Струмица – 5, Гевгелија – 5, Свети Николе – 4, Неготино – 4, Виница – 4, Струга – 3, Кочани – 3, Крива Паланка – 3, Радовиш – 3, Крушево – 3, Ресен – 2, Пробиштип – 2, Кратово – 2 и во Пехчево - 2.



„Починати се 9 лица, два пациенти од Скопје (74 и 82г), два од Кичево (61 и 70г), по еден од Ресен (77г), Битола (87г), Виница (57г), Охрид (79г) и Прилеп (65г). Осум од пациентите се починати во болнички, а еден во домашни услови. Регистрирани се 387 оздравени пациенти“, соопшти денеска МЗ.



Вакцинирањето против ковид ќе биде во 3 фази - Владата усвоила план


Досега во земјата се направени вкупно 448.031 тестирања на Ковид -19. Вкупната бројка на ковид дијагностицирани во нашата земја од почетокот на епидемијата изнесува 91555, бројката на оздравени пациенти е 80008, на починати е 2821, а бројот на активни случаи изнесува 8726.


Владата денеска соопшти дека го усвоила Националниот план за вакцинирање против ковид-19 и дека имунизацијата ќе се одвива во три фази. Во меѓувреме, се чекаат вакцини преку ковакс системот, вакцините по набавна цена од Србија и траат преговорите со производителот Фајзер за нарачката од 800 илјади вакцини.