Мјанмар го блокираше Фејсбук поради повици за граѓанска непослушност
Новата воена влада во Мјанмар ја блокираше социјалната мрежа Фејсбук поради објавување повик за граѓанска непослушност по пучот во кој беше сменета и притворена премиерката Аунг Сан Су Ќи. Фејсбук е популарна социјална мрежа во Мјанмар, а соборената влада преку неа комуницира со своите приврзаници. Мобилниот оператор Теленор Мјанмар преку изјава потврди дека мобилните оператори и интернет провајдерите во Мјанмар добиле инструкции од Министерството за комуникации привремено да го блокираат Фејсбук.
Во Мјанмар војската со државен удар ја презеде власта
Теленор Мјанмар, кој е дел од норвешката група Теленор, рече дека ќе се придржува до наредбата, иако е загрижена дека со тоа ќе се нарушат човековите права. Фејсбук исто така ја потврди оваа информација. Полицијата во Мјанмар ја обвини Ќи дека поседува неколку нелегално увезени воки-токи во нејзиниот дом, што законски и дозволува да остане во затвор до 15 февруари. Таа и повеќе високи политичари беа уапсени во воен удар во понеделникот. Според воените претставници, пучот бил неопходен за да се зачува „стабилноста“ на државата.