Бугарското обвинителство започнува истрага за санкционираните од САД
Бугарското Генерално обвинителство соопшти дека започнува проверка на информациите објавени од американскиот Стејт департмент за корупција извршена од Делјан Пеевски, Васил Божков, Илко Желјазков, Александар Манолев, Петар Харалампиев и Красимир Томов. Обвинителството на Бугарија прецизира дека против тројца од оваа листа (Манолев, Томов и Харалампиев) се водат постапки, а против Божков сега е отворена истрага.
Во соопштението се наведува дека бугарското Обвинителството целосно го споделува ставот на, како што наведуваат, американски партнери дека владеењето на правото и почитувањето на законот се во основата на секоја демократска држава и нивната одбрана е невозможна без обединета и доследна борба против организираниот криминал, перење пари и корупција.
Кои се Бугарите санкционирани од САД за корупција?
Во документот се вели дека во врска со четири од шесте лица против кои се воведени американски санкции, бугарското обвинителство веќе презело активности за нивно истрага и гонење.
САД воведоа санкции за бизнисменот и поранешен пратеник Делјан Пеевски, бизнисменот Васил Божков и заменик-претседателот на Националното биро за контрола на специјалното разузнавање Илко Желјазков. Санкционирани се уште тројца Бугари и 64 компании во нивна сопственост или контролирани од нив.