Македонските фудбалери заминаа за Букурешт каде што ќе играат на Европското првенство
Со чартер-лет од Меѓународниот аеродром Скопје, македонската фудбалска репрезентација замина за Букурешт, каде за првпат ќе настапи на Европско првенство.
На македонските репрезентативци прв им посака среќа претседателот на ФФМ, Мухамед Сејдини кој одржа мотивациски говор за успех на фудбалерите.
Се чека одлуката на УЕФА за дресовите, а од ФФМ не ги откриваат загубите
Премиерот Зоран Заев на аеродромот во Скопје се поздрави со капитенот Горан Пандев и селекторот Игор Ангеловски и им посака успех на репрезентативците.
Сите тестови на коронавирус во македонската експедиција се негативни и во комплетен состав се патува за Романија.
Избраниците на селекторот Игор Ангеловски последните пет дена од подготовките за настапот на Европското првенство ќе ги поминат во градот каде ќе ги одиграат првите два натпревара од континенталниот шампионат.
Ангеловски - Има наследници на Пандев
„Црвено-жолтите“ на ЕП се наоѓаат во Ц-групата. Тие на 13 јуни ќе играат со Австрија, а на 17 јуни се среќаваат со Украина. Последниот натпревар од групната фаза ќе го имаат со Холандија во Амстердам.