Нови 15 случаи на ковид-19, нема починати, оздравени 14 пациенти
Министерството за здравство соопшти дека нови 15 случаи на ковид-19 се регистрирани во последните 24 часа, 14 пациенти оздравеле, а починати нема.
Направени се 2.802 тестирања, а од новите случаи пет се во Кичево, 4 од Скопје, 3 од Тетово и по еден од Прилеп, Охрид и Делчево.
Вчера се аплицирани 5.611 вакцини
Досега во земјата се направени вкупно 841.125 тестирања на ковид-19.
Вкупната бројка на ковид-дијагностицирани лица во нашата земја од почетокот на епидемијата изнесува 155.583, бројката на оздравени пациенти е 149.690, на починати е 5.472, а бројот на активни случаи изнесува 421.