ЕУ: Одлуката на Белорусија претставува закана за натамошни тензии
Претседателот на Европскиот совет Шарл Мишел ја осуди одлуката на Белорусија да го прекине учеството во иницијатива насочена кон зајакнување на врските помеѓу Европската унија и поранешните советски републики, позната како Источно партнерство“. „Белорусија направи уште еден чекор назад, бидејќи го суспендира своето учество во Источното партнерство на ЕУ. Таа одлука ќе доведе до понатамошно заострување на тензиите и ќе има очигледно негативно влијание врз белорускиот народ“, напиша Мишел на Твитер.
ЕУ лидерите повикаа на „крај на репресијата“ во Белорусија
Претходно, белоруските власти објавија дека го прекинуваат своето учество во Источното партнерство на ЕУ во знак на протест против санкциите против таа земја. „Не можеме да ги исполниме нашите обврски во контекст на санкциите и ограничувањата наметнати од ЕУ“, соопшти Министерството за надворешни работи. ЕУ ги интензивираше мерките против белоруските власти поради репресијата врз учесниците во протестите што започнаа во август 2020 година, по претседателските избори на кои беше реизбран претседателот Александар Лукашенко. Тие избори беа оспорени од опозицијата.