Проработи вулкан во близина на Манила
Вулканот Таал, на околу 50 километри јужно од Манила, веќе една недела исфрла отровен гас кој може да загрози скоро 300 илјади луѓе и ја прекри Манила и околните подрачја со смог.
Таал се наоѓа на средина на езеро и е еден од најактивните на Филипините, држава во таканаречениот „Огнен појас на Пацификот“, подрачје со исклучителна сеизмичка и вулканска активност.
По 900 години ерупција на вулкан во Исланд
Најмалку 2400 жители на селата во близина веќе ги напуштиле своите домови и се засолниле кај свои роднини или во училишни згради кои се затворени поради коронавирусот, а се планираат и понатамошни евакуации.
Кога Таал еруптираше претходниот пат во јануари 2020 година, беа евакуирани 135 илјади луѓе, угина многу стока, а десетици куќи беа проголтани од лавата.