Сите пријавени македонски граѓани се евакуирани од Авганистан

Сите граѓани кои беа пријавени за евакуација од Авганистан веќе го имаат напуштено Кабул и во моментов се наоѓаат во Велика Британија, Катар и Норвешка, од каде во наредните денови ќе бидат транспортирани кон Скопје, информираат од Министерството за надворешни работи.

Со тоа, посочуваат од МНР, дека сите наши граѓани кои беа планирани за евакуација се евакуирани и во моментов немаат информација за наш државјанин кој е во загрозувачка ситуација или кому му е потребна асистенција за евакуација.

Заев: Спремни сме да прифатиме цивилно население од Авганистан

Кои се Талибанците и како функционираат?

„Најголемиот дел, преку 30 наши граѓани се наоѓаат во Свиндон, Велика Британија; над 20 граѓани се наоѓаат во Доха, Катар, од каде во наредните денови ќе бидат транспортирани кон европските центри, а потоа кон Скопје; последните наши граѓани кои беа предвидени за евакуирање, а се наоѓаа во НАТО базата во Кабул, вчера исто така го напуштија Авганистан и се наоѓаат во Осло, Норвешка“, се вели во соопштението од МНР.

Од МНР, информираат дека во НАТО базата во Кабул се останати само оние кои сѐ уште ги обавуваат своите обврски, и чија евакуација ќе се одвива согласно распоредот за повлекување од самата база.

Талибанците на 15 август влегоа во Кабул и ја соборија владата. Илјадници Авганистанци и странци преку аеродромот во Кабул се евакуираат од земјата.