Талибанците бараат квалификуваните Авганистанци да не ја напуштаат земјата
Талибанската власт во Авганистан денеска соопшти дека тие сакаат сите евакуации во странство од меѓународниот аеродром во Кабул да се завршат до крајниот рок 31 август и дека нема да се согласат на продолжување на рокот, јавува агенцијата Ројтерс.
Вонреден состанок на Г7 за продолжување на рокот за евакуација од Авганистан
Портпаролот на талибанците Забихула Муџахид на денешната прес конференција во главниот град Кабул, кој го заземаа на 15 август, рече дека тие ја гарантираат безбедноста. Муџахид побара од квалификуваните Авганистанци да престанат да ја напуштаат земјата.
"Оваа земја има потреба од нивната експертиза. Тие не треба да бидат земени од други земји“, рече тој .
Американскиот претседател Џо Бајден рече дека се надева оти до крајниот рок, 31 август американските сили ќе успеат да се повлечат, но европските сојузници и Британија бараат да се помести тој рок.
ЕУ со над 200 милиони евра хуманитарна помош за Авганистанците
Околу 50 000 странци и Авганистанци ја напуштија земјата од аеродромот во Кабул откако талибанците ја преземаа власта пред девет дена. Многу Авганистанци стравуваат дека ќе се повтори начинот на владеење на талибанците од 1996 до 2001 година.