Ербнб ќе обезбеди привремено сместување за 20 000 авганистански бегалци
Компанијата за времен наем на имоти Ербнб денеска соопшти дека ќе обезбеди привремено сместување за 20 000 авганистански бегалци низ целиот свет.
Сместувањето ќе биде на трошок на компанијата, соопшти извршниот директор Брајан Чески.
"Го обезбедуваме сместувањето преку агенциите и партнерите кои се во директна координација со бегалците и ги знаат нивните потреби за должината на престојот. Ние обезбедуваме времено, не трајно сместување и сме посветени да ги сместиме овие семејства онолку колку што е потребно“, соопштија од компанијата.
Талибанците бараат квалификуваните Авганистанци да не ја напуштаат земјата
Талибанците ја заземаа власта во Авганистан минатата недела и Соединетите Американски Држави заедно со сојузниците се обидуваат да ги евакуираат странците и Авганистанците кои може да бидат во неволја најдоцна до 31 август, рок кој е договорен со талибанците.
Минатиот викенд компанијата Ербнб заедно со своите партнери работела на сместување на 165 бегалци кратко по нивното пристигнување во Соединетите Американски Држави.