Бајден во посета на Њујорк и Њу Џерси по ураганот Ида
Американскиот претседател Џо Бајден денеска ќе ги посети Њујорк и соседниот Њу Џерси за да ја процени штетата по ураганот Ида, објави Белата куќа. Бајден ќе го посети градот Манвил во Њу Џерси и населбата Квинс во Њујорк, се наведува во соопштението. Според последниот биланс, околу 50 луѓе загинале во таа област по минувањето на Ида.
Вонредна состојба во Њујорк поради поплавите предизвикани од ураганот Ида
Бајден во петокот ја посети Луизијана, првата американска држава погодена од ураганот. Научниците претходно предупредуваа на зголемена активност на различни циклони поради затоплување на океаните и климатските промени, што претставува зголемена закана за крајбрежните населби низ целиот свет.