Радев: Не чекаат нови избори
Третиот мандат за формирање нова бугарска влада му беше вратен на претседателот Румен Радев. Го врати претседателката на БСП, Корнелија Нинова, јави дописникот на МИА од Софија. Претседателот Радев и честиташе на Нинова за нејзиниот одговорен пристап кон преговорите за формирање влада во рамките на третиот мандат.
„За жал, нe чекаат нови избори и нови преговори. Верувам дека БСП повторно ќе биде активен учесник во нив и ви посакувам успех“, рече Радев.
Корнелија Нинова изјави дека вложиле напори и одговорност, но не нашле поддршка од Има ли таков народ, Демократска Бугарија и Исправи се БГ.
БСП го враќа мандатот за состав на бугарска влада
Радев ќе го предаде третиот мандат за формирање бугарска влада
Претходно денеска техничкиот премиер на Бугарија Стефан Јанев остварил средба со американскиот амбасадор во Бугарија Херо Мустафа, соопшти владиниот прес -центар. За време на нивниот разговор во владата, акцентот бил ставен на стратешкото партнерство меѓу Бугарија и САД. На средбата било разговарано за билатералното партнерство во борбата против корупцијата и во областа на одбраната и безбедноста, како и потенцијалот на трговските и економските односи меѓу Бугарија и САД.