Расте бројот на ковид заразени, во моментот активни 6100 случаи
Бројот на заразени со коронавирус изнесува 6.187 лица и бележи зголемување во однос на претходната недела. На 20 октомври имало околу 5700 активни случаи, а вчера беа регистрирани околу 6.200.
Вчера беа регистрирани и 11 починати лица, како и 330 оздравени пациенти. Досега во земјата се направени вкупно 1.366.002 тестирања на Ковид-19. Вкупниот број Ковид-дијагностицирани лица во земјава од почетокот на епидемијата изнесува 199.901, бројот на оздравени пациенти е 186.652, на починати е 7.062
Нови 135 заразени со ковид, 11 починати
Според епидемиолошки анализи во моментов, во Скопје се половината од активните случаи или 3190. Следи Куманово со 446 активни, Велес – 309, Прилеп – 245, Битола – 201. Државните здравствени институции продолжуваат со вакцинација на населението против Ковид-19. Во државата се вакцинирани над 800 000 граѓани. Воедно, над пет илјади граѓани примиле трета анти ковид доза на вакцината.
Според бројот на аплицирани вакцини, 38 отсто од целата популација во земјава е вакцинирана, а 35 проценти од жителите примиле две дози вакцина.