Израел одобри домoви и за Палестинците на окупираниот Западен Брег
Израел одобри изградба на околу 1.300 домови за Палестинците на окупираниот Западен Брег, откако неодамна донесе одлука да ги спроведе плановите за проширување на еврејските населби со изградба на повеќе од 3.000 станбени единици за еврејските доселеници. Израелската влада соопшти дека презема умерен пристап за да ги минимизира несогласувањата со Соединетите држави, кои се противат на еврејските населби, и тензиите во рамките на разновидна владејачка коалиција, составена од левичари, централно-десничарски и ултрадесничарски партии и една арапска исламска партија.
Израел продолжува со градба на 1355 нови домови во окупираниот Западен Брег
Дозволи за градба ретко им се даваат на Палестинците, а нелегално изградените куќи често се уриваат. Претставник на израелската безбедност потврди дека е донесена одлука за палестинските станови, врз основа на која ќе се легализираат некои постоечки и ќе се даде дозвола за изградба на нови, но не соопшти повеќе детали. Израел го освои Западниот Брег во Шестдневната војна во 1967 година, кога беа освоени и Појасот Газа и Источен Ерусалим. Палестинците имаат намера да основаат своја независна држава на тие територии. На Западниот Брег живеат повеќе од 2,5 милиони Палестинци и речиси 500.000 еврејски доселеници.