ЕУ ја примила најавата за оставката на Заев
ЕУ ја прими најавата за оставка на премиерот на Северна Македонија, Зоран Заев соопшти портпаролката на Европската комисија, Ана Писонеро.
„Важно е земјата да продолжи со спроведување на реформите поврзани со ЕУ“, порачува Писонеро во писмен одговор до медиумите.
Таа воедно ги повикува новите градоначалници и членови на општинските совети да придонесат во унапредување на реформската агенда на ЕУ во интерес на сите граѓани.
Ја нема оставката на Заев во Парламентот, нема ни ново мнозинство
Премиерот Заев поднесе оставка од функцијата премиер и лидер на СДСМ, откако владејачката партија доживеа пораз на локалните избори. Осврнувајќи се на изборниот процес и повикувајќи се на извештајот на ОБСЕ/ОДИХР, Писонеро нагласи дека изборите се одржани во коректна атмосфера и со почитување на основните слободи и дека изборната администрација вложила напори да ги отстрани недостатоците во процедурата од првиот круг на гласањето.
„Меѓутоа негативната реторика и наводите за притисоци на гласачите и кандидатите продолжија да влијаат на изборите“, додаде таа.