Војската во Судан се согласила да го врати соборениот премиер
Војската во Судан, наводно, се согласила да го врати соборениот премиер Абдала Хамдок по неколкунеделните народни немири по државниот удар во октомври. Фадлала Бурма Насир, шеф на партијата Ума, рече дека претставниците на владата и војската, исто така, се согласиле дека функционерите и политичарите уапсени по државниот удар на 25 октомври ќе бидат ослободени.
Според договорот, Хамдок ќе води „технократска“ влада, рече Насир, додавајќи дека декларацијата за договорот ќе биде објавена подоцна во текот на денот.
Активистичките групи повикуваат војската целосно да се повлече од политиката. Хамдок е во домашен притвор од пучот, што се сметаше за пречка за транзицијата на Судан кон демократија по смената на автократскиот лидер Омар ал-Башир во 2019 година.