ЕК: Новиот полски закон е сериозен ризик за слободата на медиумите
Eвропската Комисија соопшти дека нацрт-законот за сопственост на странски медиуми усвоен во Полска претставува сериозен ризик за слободата на медиумите и плурализмот.
Пратениците на полскиот парламент на крајот на минатата недела усвоија предлог-закон со кој се заоструваат прописите за странска сопственост на медиумите, што особено влијае на работата на каналот „ТВН24“, кој е во сопственост на американската компанија „Дискавери“ .
„Со голема загриженост ги следиме последните случувања“, се вели во соопштението од Брисел.
Владата на Полска се подели околу контроверзниот закон за медиуми
Европската комисија потсетува дека ЕУ очекува од членките да се погрижат нивните политики и закони да не ја поткопаат заложбата за осигурување на слободен, независен и разновиден медиумски сектор, пренесува Ројтерс.
Предлог-законот што треба да го потпише претседателот Анджеј Дуда предизвика тензии меѓу Полска и САД.
Владејачката Партија на правото и правдата (ПиС) претходно изјави дека странските медиумски групи имаат преголема моќ и влијаат врз јавноста.