Талибанците привеле сопственик на медиум во Кабул
Талибанските власти го привеле сопственикот на приватната авганистанска телевизиска мрежа Ареф Нури. Синот на Нури, Роман Нури, изјави за авганистанскиот сервис на РСЕ дека талибанските безбедносни сили вчера влегле во семејната куќа во Кабул и го одвеле неговиот татко.
Тој посочи дека талибанци облечени во униформи на службата за национална безбедност го опколиле и влегле во домот, без налог и одбиле да кажат каде е одведен неговиот татко.
Авганистанското здружението на слободни новинари посочува дека четворица новинари се уапсени или претепани од страна на талибанските власти во Авганистан во последните денови. Според здружението судбината на двајца од нив е непозната.
Талибанците воведоа „екстремно опасни“ правила за новинарството
Талибанците, кои користеа строга интерпретација на исламскиот шеријат за време на нејзиниот последен мандат на власт од 1996-2001 година, ја презедоа власта во Кабул во средината на август, предизвикувајќи загриженост за иднината на слободните медиуми и човековите права во земјата.