Нови 242 случаи на ковид, починати 6 лица

Министерството за здравство информира, согласно податоците од Институтот за јавно здравје дека во последните 24 часа направени се 3.561 тестирања, а регистрирани се 242 нови случаи на Ковид-19. Оздравени се 247 пациенти, а починати се 6 лица- 2 починати лица од Скопје (71г и 87г), и едно починато лице од Кавадрци (84г), Охрид (72г), Струга (74г) и Ресен (80г). Пријавените лица се починати во болнички услови.



СЗО - Ако заврши нееднаквоста, ќе заврши и пандемијата


Досега во земјата се направени вкупно 1.611.793 тестирања на Ковид-19. Вкупната бројка на ковид дијагностицирани лица во нашата земја од почетокот на епидемијата изнесува 225.972, бројот на оздравени пациенти е 213.174, на починати е 7.981, а бројот на активни случаи изнесува 4.817.