Во Грција откриени два случаи на подваријанта на Омикрон

Два случаи на Омикрон 2, што е подваријанта на Омикрон сојот, наречена ΒΑ.2 или 21L се откриени во Грција, кај патници кои пристигнале од странство и се наоѓаат во изолација, јави дописничката на МИА од Атина.


Од Националната организација за јавно здравје на Грција, преку соопштение обаснуваат дека конкретната подваријанта е дел од поголемата група 21M, позната како сојот Омикрон, а меѓу другите подваријанти е и 21K (ΒΑ.1) која е моментално раширена во светот.


Додават дека од новата подваријанта недостига “S-gene drop out” ή SGTF што се користи за откривање на Омикрон со молекуларните тестови и затоа ΒΑ.2 или 21L се карактеризира како подгрупа „stealth“, но и дека засега е непознато дали дополнителините седум мутации на S (Spike) протеинот ја прават новата подваријантата BA.2 поразлична и „не постојат доволно податоци дали има зголемена можност да го избегне постоечкиот имунитет или да донесе зголемено заразување“.


„Комбинираниот ефект на овие седум мутации врз својствата на вирусот во моментов е непознат“, додаваат од Националната организација за јавно здравје на Грција.



Европа размислува за нова ковид-стратегија: прифаќање на вирусот


Професорот по епидемиологија и член на комисијата на епидемиолози во Министерството за здравство на Грција, Гикас Мајоркинис, говорејќи за новата подваријанта објасни дека Омикрон има две гранки, „а едната е наречена stealth – скриена гранка“, бидејќи има мутација што ја прави незабележлив при класичниот метод што се користи за да откривање. Истакна дека сè уште е рано да се каже дали и колку оваа подваријанта е позаразна.