Отпуштен шефот на казахстанската изборна комисија, роднина на Назарбаев
Казахстанскиот претседател Касим Жомарт Токаев отпушти уште еден роднина на неговиот претходник, Нурсултан Назарбаев по смртоносните протести што ја зафатија централноазиската нација претходно овој месец.
Шефот на Централната изборна комисија, Берик Имашев е сменет од Нурлан Абдиров.61-годишниот Имашев раководеше со Централната изборна комисија од септември 2016 година. Неговата ќерка Аида Имашева е мажена за внукот на Назарбаев, Нурали Алиев.
Протестите поради ненадејното зголемување на цената на горивото брзо се проширија низ Казахстан и доведоа до насилни судири во најголемиот град во земјата, Алмати и на други места.
Околу 1000 лица сè уште притворени за протестите во Казахстан
Економското незадоволство на демонстрантите брзо беше проследено со пошироки народни повици против корупцијата, политичката стагнација и широко распространетата неправда.
Голем дел од нивниот гнев беше насочен и кон Назарбаев, кој владееше со Казахстан од 1989 година пред да ја предаде власта. Сепак, нашироко се веруваше дека тој ја задржува контролата зад сцената.
Казахстанските власти соопштија дека 227 лица, вклучително и 19 службеници за спроведување на законот, биле убиени за време на немирите низ целата земја