Нови 1 254 заразени 21 починат од ковид-19
Во изминативе 24 часа се евидентирани нови 1 254 случаи на заразени со ковид-19 од направени 5.082 тестови. Најголем број на новозаразени се забележани во Скопје, вкупно 655, потоа во Битола – 87 и Куманово – 55.
Хоспитализирани над 600 пациенти со ковид-19
Од вкупниот број на позитивни (1.254), регистрирани се 169 реинфекции. Во текот на изминатите 24 часа, регистрирано е 21 починато лице. Од пријавените лица сите се починати во болнички услови.
Од вкупниот број на починати лица, девет лица се целосно вакцинирани, а кај 20 се регистрирани коморбидитети.
Досега во земјата се направени вкупно 1.785.054 тестирања на КОВИД-19. Вкупната бројка на ковид -дијагностицирани лица во нашата земја од почетокот на епидемијата изнесува 268.191, бројот на оздравени пациенти е 239.694, на починати е 8.383, а бројот на активни случаи изнесува 20.114.