Временска прогноза - Сончево и топло
Времето денеска ќе биде сончево, попладне со мала до умерена облачност. Ќе дува слаб до умерен, вдолж Повардарието повремено засилен јужен ветер. Максималната температура ќе достигне од 15 до 21 степен.
Во Скопје, претпладне сончево, попладне со мала до умерена облачност. Ќе дува слаб до умерен ветер од јужен правец. Максималната температура ќе достигне до 17 степени.
Од УХМР најавуваат дека од утре ќе преовладува променливо облачно време со повремен локален дожд и со слаб до умерен, а во западните делови повремено засилен југозападен ветер.
Во вторник се очекуваат пообилни врнежи кои поради заладувањето на планините и на некои повисоки места ќе бидат од снег. Ќе дува засилен северен ветер што ќе предизвика температурите да бидат пониски и во следните денови.