Собранието продолжува со работа, сè уште се расправа за дневниот ред
Собранието попладнево ја продолжи расправата по однос на утврдување на дневниот ред за 64. седница, на која се предложени 11 точки. Прогласена е нова пауза по што, како што информира претседателот на Собранието Талат Џафери, седницата ќе продолжи.
Опозициската ВМРО-ДПМНЕ се противи на Предлог-одлуката од владејачкото мнозинство за разрешување на членот на Комисијата за прашања на избори и именувања Фадил Зендели. Обвинуваат за прекршување на собранискиот Деловник и оти мнозоинство сака Зендели повеќе да не биде член на Комисијата за прашања на изборите и именувањата, оти, како што велат, во таа Комисија им е потребно мнозинство за да ги аминуваат штетни политички одлуки.
Собрание - декларацијата за суверенитетот и интегритетот на Украина
Од владејачкото мнозинството пак сметаат дека треба да се запази деловничкото правило распоредот на пратеничките мандати да се преслика и во работните тела. Според нив, по преминувањето на БЕСА во опозиција, пратеникот Зендели како член на оваа партија треба да го отстапи местото претседател на Комисијата за прашања на избори и именувања на СДСМ, како што се повлече и од позицијата потпретседател на Собранието.
Комисијата за избори и именувања нема одржано седница откако БЕСА премина во опозиција, со што власта го изгуби мнозинството во ова тело.