Во БиХ се одбележува Денот на независноста
Босна и Херцеговина денеска одбележува 30 години од својата независност. На овој ден пред три децении беше одржат референдум на кој се изјаснија 64 отсто од граѓаните, а од нив 99 гласаа за излез од Југославија. Резултатите од референдумот беа прифатени од Парламентот на БиХ, на 6 март 1992 година. Еден месец подоцна земјите членки на ЕУ ја признаа БиХ, а САД тоа го стори на 7 април.
Амбасадата на САД во БиХ им го честиташе празникот на граѓаните. Во соопштението се наведува дека остануваат посветени на пријателството со БиХ и со нејзините граѓани и пружаат поддршка на суверенитетот и територијалниот интегритет. Честитката беше упатена на Твитер.
Шефот на Делегацијата на Европската унија во БиХ, Јохан Сатлер рече дека „додека Босна и Херцеговина одбележува годишнина од независноста, една друга држава се бори за да ја зачува својата.
ЕУФОР испраќа дополнителни 500 војници во БиХ како мерка на претпазливост
Тој во обраќањето до јавноста рече дека БиХ е сè уште млада држава, но гледајќи наназад, помина долг пат и сакаат да ја видат како и понатаму напредува кон Европската унија.
БиХ нема закон за празници, па поради тоа секој ентитет слави различни датуми како празници. Денот на независноста се слави во ентитетот Федерација БиХ, а во друг ентитет, во Република Српска е работен ден.