ОН ја усвоија Резолуцијата со која се осудува руската инвазија на Украина
За резолуцијата гласаа 141 член од вкупно 193 и се бара Русија веднаш да ја прекине војната во Украина и да ги повлече сите свои војници од украинска територија.
ОН: Повеќе од 800 000 бегалци од Украина
Резолуцијата беше усвоена на крајот на вонредната седница на Генералното собрание свикана од Советот за безбедност, која започна во понеделникот.
Врз основа на процедурата востановена во 1950 година, наречена „Обединување за одржување на мирот“, усвоената резолуција не може да биде предмет на вето од постојаните членки на Советот за Безбедност.
Русија на 24 февруари ја нападна Украина што предизвика остри осуди во целиот западен свет.