Германија ги повика западните земји да примат повеќе украински бегалци
„Наша должност е да создадеме мост на солидарност меѓу Европа и Атлантикот, тоа е и мој апел до нашите пријатели во Канада и ширум светот. Треба да распоредиме луѓе кои ја преминале (украинската) граница. Јасно е дека можеме безусловно да им помогнеме“, рече министерката пред пратениците во Бундестагот.
Бајден најави нов пакет помош за Украина
Бербок, исто така, изрази и сомневање за текот на преговорите меѓу руската и украинската страна.
„Не знаеме дали тоа се навистина преговори. Диктираниот мир нема многу врска со мирот и не треба да се залажуваме кога некои зборуваат за мировни преговори и во исто време бомбардираат болници и станбени населби“, рече Бербок.
Русија започна инвазија на Украина на 24 февруари, а оттогаш, според Високиот комесаријат за бегалци на Обединетите нации УНХЦР, над три милиони луѓе ја напуштиле земјата.
Најголем број бегалци примија соседните земји Полска, Унгарија, Романија и Молдавија.