Истражувачка група објави мапа на уништени цивилни цели во Украина
Картата се заснова на видео и фотографски докази документирани од Белингкет и графикони за времето и местото на неколку стотици инциденти кои потенцијално им наштетиле или ги погодиле цивилите од почетокот на руската инвазија на Украина на 24 ти февруари.
„Инцидентите вклучуваат „ракетни напади врз станбени области, уништување на цивилна инфраструктура и очигледно присуство на повредени цивили или неподвижни цивилни тела“, соопшти Белингкет.
Девет загинати во гранатирањето на периферијата на Запорожје
Истражувачката група рече дека документирањето на таквите случаи е „многу важно во време на изјавите на руските власти дека не се напаѓаат цивили и да се избегнуваат напади врз цивилната инфраструктура“.
Светската здравствена организација соопшти дека потврдила 43 напади врз болници и здравствени установи во Украина, при што загинале 12 лица, а 34 се повредени.
Обединетите нации проценуваат дека повеќе од 3 милиони украински бегалци ја напуштиле земјата за да ги избегнат борбите.