ЕУ надвор од вонредната фаза за пандемијата на ковид-19

Европската комисија треба да соопшти дека ЕУ влезе во нова пост-итна фаза на пандемијата во која тестирањето треба да биде насочено, а следењето на случаите на ковид-19 да биде слично на надзорот на грип базиран врз примерок. Ова се наведува во нацрт документот подготвен од комесарката за здравство, Стела Киријакидес, а кој треба да биде усвоен денеска од Европската комисија. Промената доаѓа во време на постепен пад на случаите и падот на бројот на смртни случаи поврзани со ковид-19, благодарение на ширењето на помалку заразната варијанта омикрон и имунизацијата на над 70 насто од популацијата на ЕУ, со половина од населението имајќи примено и засилување. „Оваа комуникација дава пристап за управување со пандемијата во наредните месеци, преминувајќи од итен случај кон поодржлив режим“, се вели во нацрт-документот на ЕУ.

Нови 21 случај на ковид, починато едно лице

Светската здравствена организација (СЗО) е задолжена за прогласување на пандемија и нејзин крај, потег што има огромни правни импликации за голем број сектори, вклучувајќи ги и производителите на вакцини. Агенцијата на ОН соопшти дека пандемијата не е завршена. Документот на ЕУ е необврзувачки и доаѓа со јасни предупредувања дека „ковид-19 е тука да остане“, најверојатно со можна појава на нови варијанти, и затоа „будноста и подготвеноста остануваат од суштинско значење“. Нацрт-документот, предупредува дека се можни нови бранови и им препорачува на владите на ЕУ да бидат подготвени да се вратат на итни мерки доколку е потребно.