Референдум за уставни измени во Казахстан

Казахстан ќе одржи референдум за низа уставни промени како дел од реформите на претседателот Касим-Жомарт Токаев, чија цел е децентрализација на одлучувањето во централноазиската држава богата со нафта. Токаев денеска потпиша указ за референдумот да се одржи на 5 јуни.


Тој изјави дека референдумот претставува „важна демократска институција“ и потсети дека „последниот референдум во Казахстан беше одржан во 1995 година, кога беше одобрен актуелниот устав“.


Предложени се вкупно 56 амандмани на уставот, вклучително и обновување на Уставниот суд, кој беше укинат во 1995 година и забрана на претседателот да биде член на политички партии и неговите роднини да извршуваат јавни функции.


Критичарите сметат дека иницијативите на Токаев се козметички и нема да ја променат природата на автократскиот систем во земја која со години е измачувана од корупција и непотизам.


Казахстанските власти со контрадикторни бројки за загинати во јануарските протести


Во јануари, масовните протести кои започнаа поради покачувањето на цената на горивото се проширија низ Казахстан поради незадоволството поради кронизмот што долго време ја мачеше земјата.


ХРВ - Казахстан да вклучи меѓународни експерти во истрагата за смртоносните протести


Оттогаш, Токаев направи неколку чекори за да се дистанцира од својот претходник и поранешен покровител, Нурсултан Назарбаев, кој со децении ја водеше централноазиската нација со железна тупаница и сè уште ја задржа титулата „елбас“ или лидер на нацијата - - што му даде речиси неограничена моќ и по неговата оставка во 2019 година.